Tifozët e Milan-it janë të lodhur me mesfushorin e transferuar verën e kaluar, kërkojnë shitjen e tij

Milani ka fituar tre pikë të vlefshme në ndeshjen e fundit kundër Como-s, skuadër që ka shfaqur një paraqitje mbresëlënëse në Serie A.

Megjithatë, fitorja e kuqezinjve nuk ishte pa polemika, ku mesfushori Yunus Musah mori kritikat më të shumta nga tifozët e Milan-it.

Ish-lojtari i Valencia-s, i cili iu bashkua klubit italian në verën e vitit 2024 për 20 milionë euro, nuk e ka justifikuar shumën e paguar për kartonin e tij.

Pakënaqësinë që tifozët e kuqezinjve kanë ndaj tij, e shprehën me fishkëllima kur ai u largua nga fusha në minutën e 52-të, duke u zëvendësuar nga João Félix.

Pavarësisht refuzimit të tifozëve, bordi i Milanit, i drejtuar nga Geoffrey Moncada dhe i mbështetur nga figura të tilla si Zlatan Ibrahimovic, kanë besim tek mesfushori amerikan.

Ata mund të ndryshojnë qëndrim, vetëm nëse për të vjen një ofertë më e madhe sesa 20 milionë euro që ata paguan verën e kaluar te Valencia.