Deputeti demokrat Dashnor Sula vijon sulmet ndaj kryedemokratit Sali Berisha, sulme që i nisi fill pasi zbuloi se nuk do të jetë në listat e kandidatëve për deputetë të PD, për zgjedhjet e majit.
Deputeti demokrat, Dashnor Sula e cilësoi të turpshme listën e Sali Berishës për zgjedhjet parlamentare të 11 majit.
Në një intervistë për “AbcNews”, Sula u shpreh se qarku i Elabsanit, është i pa përfaqësuar për demokratët. Ai tha se pas datë 11 maj, Berisha dhe PD-ja do të shohin ku kanë gabuar.
“Kemi pasur komunikim edhe gjysmë ore më parë, jo me zotin Berisha, me zotin Noka. PD kërkonte që unë të isha në pjesën e listës së hapur në Elbasan, e vendosa, dakord do të kandidoj në listën e hapur të PD, pavarësisht se më bënë një padrejtësi. Kushti im ishte që të tërhiqte një kandidat nga lista. Kjo ishte kërkesë edhe për moral, edhe për logjikë politike. I thashë zotit Noka, nëse shkoj poshtë 10 mijë votave personale, në 2021 kisha 8 mijë vota personale. Dola i pari në vitin 2005 me vota personale. S’i janë gatuar aty, unë i di gjërat e sakta. Nuk dua t’ia përmend emrin dhe t’i jap kënaqësi atyre. Pas datës 11 maj do flasim. Nëse del ndryshe, do i ulem në gjunjë PD dhe Sali Berishës. Kanë hallin e 12 majit. Për herë të parë, Edi Rama bën listën më të mirë pas 3 listash”, tha Sula.
“Berisha kthen të vjetërit. Në listën e hapur nuk vendos njerëz që marrin vota. PD dhe opozita duhet të ishte kundra atij kodi zgjedhor. Ajo parti ka lindur dhe po vdes me Sali Berishën, ajo është fatkeqësia më e madhe e asaj partie. Zoti Berisha nuk do zë ndryshe. Edhe të dua unë t’i çoj votat e mia, nuk i çoj dot. Unë, do shikoj pas leximit të votave më 11 maj, jam demokrat, do duhet të jem demokrat, do mbështes opozitën, por reagoni, reagoni, reagoni. Nëse ajo parti nëse nuk kthehet, ajo është e destinuar të vdes”, shtoi ai.
Discussion about this post