Skandali me të dhënat mbi pagat po nxjerr në pah çdo dite anomalitë nepotizmin ne administratën dhe abuzimet me paratë publike. Një rast tjetër që ka dal nga Exel-i, është ajo e drejtorit të Fondit Shqiptar të Zhvillimit, Dritan Agolli, i cili përfiton një pagë prej afro 7 mijë dollarësh, 701 100 lekë të reja në muaj, ose gati 3 herë më shumë se shefi i tij i drejtpërdrejtë, kryeministri Edi Rama që paguhet rreth 2200 dollarë, 228 730 lekë të reja në muaj dhe Presidenti i Republikës, Ilir Meta që përfiton afro 2500 dollarë në muaj, 257 000 lekë të reja në muaj.
Ndërkohë, pak ditë më parë Gijotina.com zbuloi se një punëtor pastrimi në Fondin Shqiptar të Zhvillimin përfiton bruto 1200 dollarë në muaj. Krahasimi me pagat e larta të administratash shtetërore është njëra anë e medaljes, pasi po t’i krahasosh me mësuesit që paga mesatare shkon në 500 mijë lekë të vjetra, shoferet e Fondit Shqiptar të Zhvillimit paguhen sa dy të tillë, apo sa tre policë rendi. Kurse pjesa tjetër e administratës të FSHZH, juristë dhe specialistë të ndryshëm fut nëpër xhepa me mijëra dollarë çdo muaj si pagë fikse nga 170 100 deri në 601 800 lekë.
Fondi Shqiptar i Zhvillimit është një institucion buxhetor, me vende pune që sulmohen nga të afërm zyrtarësh, por kjo ka pak rendësi pasi çdo kush ka të drejtë të synojë një pagë dinjitoze. Ajo që bën të padrejte është krahasimi me ushtrinë prej dhjetëra mijëra nëpunësit te administratës shtetërore, mësuesish, policesh, mjekesh e kështu me radhë, qe merr çdo muaj një pagese mbijetese.
Discussion about this post