Parlamenti i Hungarisë miratoi të martën një ligj që ndalon ‘marshimin e krenarisë’ të komunitetit LGBTQ+.
Ligji, i propozuar nga partia në pushtet Fidesz e kryeministrit Viktor Orban, u miratua me procedurë të përshpejtuar, vetëm një ditë pasi u paraqit në parlament. Sipas mbështetësve të tij, ndalimi bazohet në shqetësimet për ndikimin e mundshëm të marshimit te fëmijët.
Ky vendim u prit me protesta nga partia opozitare Momentum dhe aktivistë të komunitetit LGBTQ+.
Parlamenti hungarez miratoi gjithashtu një rezolutë kundër huamarrjes së përbashkët evropiane për mbrojtjen.
Orban ka deklaruar më herët se Hungaria do të marrë pjesë në politikat e përbashkëta të mbrojtjes së BE-së dhe do të kontribuojë me fonde, por nuk do të pranojë huamarrje të përbashkët.
Propozimi i Komisionit Evropian për të marrë hua deri në 150 miliardë euro për të financuar mbrojtjen kërkon miratimin e një shumice të cilësuar të vendeve anëtare dhe nuk mund të bllokohet vetëm nga Hungaria.
Discussion about this post