Edi Rama, gjatë aktiviteti me kandidatët e PS-së në Qarkun e Elbasanit ka lëvduar dhe i ka “qarë hallin” deputetit demokrat Dashnor Sula. Ai tha se Dash Sula kishte ngritur gjithë atë parti në Peqin, por ia prishën natën dhe sipas tij, tashmë ato “kokrra”, duke iu referuar votave nuk dihet se kush do t’i hajë ato.
Rama tha se epitetin “gjel deti” për Dash Sulën e ka kompliment, pasi sipas tij, ndryshe nga opozitarët e tjerë, ai është në fushë të thatë dhe jo në llucë.
Edi Rama: Nuk është rastësi që kalaja e Rozafës është legjendë shqiptare, ndërto ditën e prish natën. Ndërto Dash Sula gjithë atë parti në Peqin dhe ia prishën natën, u gdhi në mëngjes dhe ia kishin marrë partinë, ia morën natën partinë Dash Sulës. Gjithë ajo parti atje, nuk dihet se kush do ti hajë ato kokrra gruri se gjeli detit mbeti pa parti. Gjel deti e kam kompliment se është në fushë të thatë, se të tjerët janë lluc. Mund të thuash çfarë të duash për atë, po ato që i ka, i ka.
Më tej, Edi Rama pati edhe një ftesë për Dash Sulën që t’i bashkohet, ku tha se janë të hapur edhe për blunë, duke iu referuar demokratëve. Ai tha se Dash Sula duhet të dezinfektohet, duke hequr morrat e kënetës.
Edi Rama: Këtu kemi edhe të kuq fare, rozë, pak më bojëqiell. PS është shtëpi e hapur, dhe jo ku duhet të japësh provim para se të hysh. Këtu kemi edhe të kuq fare, rozë, pak më bojëqiell. Duhet të jemi të hapur edhe për blunë. Rëndësi ka që njerëzit të kenë dritë në sy për Shqipërinë. Kjo është partia jonë, e mbajmë derën mbyllë nëpër territore por sot jemi këtu për t’ju thënë këtu mirësevini përveç salamandrave dhe kukumjackave të kënetës nuk kanë vend. Kurse Dash Sula …duhet të dezinfektohet. Po duhet të heqë morrat e kënetës. Aty të mbyt morri, është tmerr. Kështu që më tha njeri nga ata. Çe kanë këtë punë që nuk rrinë dot pa dalë në protestë. Kruhen, i mbyt morri. Edhe bufi rri mbi kokë.
Discussion about this post