Analisti, Enton Abilekaj, i ftuar në ÇIM PEKA LIVE në SYRI TV, theksoi se Erion Veliaj dhe Edi Rama kanë qenë në një betejë të ashpër për Bashkinë e Tiranës.
Abilekaj tha se Edi Rama ka detyruar kryebashkiaken e emëruar nga Veliaj, që të japë dorëheqjen dhe nuk e ka lejuar që të hyjë në ambientet e Bashkisë.
Ai shtoi se Veliaj, pasi kishte marrë vesh të gjitha veprimet e Edi Ramës, ka urdhëruar policinë bashkiake që të mos lejojë të emëruarit e këtij të fundit që të hyjnë në zyrën e tij.
“Veliaj nuk e bëri asnjë ditë të sfidonte Ramën kur ishte jashtë burgut. Edhe pse e dinte që Rama po e sulmonte dhe pse e dinte që Rama ja kishte bërë atë gjithçka për burg. Çfarë ka ndodhur që Veliaj po sfidon Ramën nga burgu? Logjika e sfidës vinte pikërisht nga kjo që apeli i GJKKO-s e la në burg. Por nuk zgjati as 24 orë për rebelimin e Veliajt dhe ai u kthye në atë situatë që është, në situatën politike të njeriut pa asnjë nerv në njeriun, që e ka lënë veten në mëshirë të Edi Ramës, të njeriut që nuk pyet çfarë ndodh me njerëzit e tij që pasi i çon në luftë dhe ia dorëzon kundërshtarit të çarmatosur. Edi Rama kishte shkuar në Bashkinë e Tiranës dhe Sara Goxhen bashkë me Dokushin, i ka thirrur veç dhe i ka thënë që të dy të japin dorëheqjen, ata nuk kanë pranuar të japin. Rama ka urdhëruar që të dalin dhe të mos lejohen që hyjnë më në bashki. Të nesërmen në mëngjes, pasi Veliaj e morri vesh se çfarë ndodhi, ka urdhëruar policinë bashkiake që të emëruarit e Edi Ramës të mos lejohet të hyjnë në Bashki, madje Policisë bashkiake i është njoftuar që po të ketë rezistencë, të ndërhyjë policia bashkiake.”, tha Abilekaj.
Discussion about this post