Shqipëri ofensive kundër Andorrës. Me objektivin që të sulmojmë prej sekondave të para të lojës dhe të zhbllokojë ndeshjen. Objektivi i Kombëtares për ndeshjen e sotme kualifikuese është i qartë.
Për të qenë efikas, trajneri Sylvinho pritet të ndryshojë disa gjëra krahasuar me ekipin që u thye 2-0 nga Anglia. Skema do të jetë ajo e njëjta, por do të ndryshojnë vetëm emrat. Krahasuar me Wembley-n, në mbrojtje pritet të rikthehet Ismajli, i cili edhe pse jo në 100% do të jetë në dispozicion të trajnerit. Alternativë aty mbetet Ajeti, titullar në debutimin në Botërorin 2026, por edhe Kumbulla.
Ndryshimet e rëndësishme mendohet se mund të nisin nga mesfusha, ku Medon Berisha mund të marrë vendin e Ramadanit. Duke qenë se kërkohet lojë sulmuese, lëvizjet e mëdha priten në repartin e avancuar. Nedim Bajrami mund të kthehet në rolin natyral të organizatorit, aty ku ka alternativë Muçin.
Nga krahët Broja nga e djathta dhe Asani që mund të spostohet nga e majta, mund të ndryshojnë shpesh herë pozicionet. Arbër Hoxha mbetet një zgjidhje tjetër potenciale. Në sulm do të aktivizohet Rey Manaj.
I projektuar si titullar edhe ndaj Anglisë, me ndryshimin që u bë vetëm pak përpara ndeshjes, bomberi pritet ti japë peshë fizike dhe rrezikshmëri sulmeve të Kombëtares.
Gjithçka mbetet hipotetike, sepse Sylvinho përveçse e ka ruajtur me fanatizëm informacionin rreth titullarëve, na ka mësuar që në ndeshjet e dyta bën lëvizje të papritura.
Discussion about this post