Shkon në 1418 numri i të arrestuarve në Turqi që nga shpërthimi i protestave më 19 mars.
Protestat lidhen me arrestimin e kryetarit opozitar të Stambollit, Ekrem İmamoğlu.
Lajmi për arrestimet është bërë i ditur nga ministri i Brendshëm turk, Ali Yerlikaya, ku në një postim në platformën X, shkruan “1,418 të dyshuar janë arrestuar aktualisht gjatë protestave të paligjshme që nga 19 marsi”.
Imamoglu insiston se akuzat kundër tij janë të motivuara politikisht, çka hidhet poshtë nga presidenti Recep Tayyip Erdogani. Partia kryesore opozitare në vend, ajo republikane CHP, e cila të dielën e shpalli Imamoglunë si kandidatin e saj presidencial, është shprehur se protestat do të mbyllen të martën, pa sqaruar ndërkohë se cilat do të jenë hapat e saj të mëtejshëm.
Discussion about this post