I hodhën benzinë në oborr një personi, arrestohen dy adoleshentët në Tiranë

Policia e Tiranës ka arrestuar 2 të mitur të cilët kishin hedhur lëndë djegëse në oborrin e një banese, në rrugën “Berit Beker”, në kryeqytet.

Në kuadër të operacionit policor të koduar “Yard”, u identifikuan dhe u vunë në pranga 2 autorët e dyshuar, një 17-vjeçar dhe një 16-vjeçar.

Nga hetimet dyshohet se këta shtetas kanë hedhur 2 shishe me lëndë djegëse (benzinë) në oborrin e banesës së shtetasit D. Xh., për shkak të konflikteve për motive të dobëta që kanë pasur më parë me të.

Materialet procedurale iu referuan Prokurorisë së Tiranës, për veprime të mëtejshme.