Covid-19 në Maqedoni, 1375 raste të reja dhe 4 viktima në 24 orët fundit

Maqedonia e Veriut për të dytën ditë me radhë ka regjistruar një numër të lartë rastesh të reja me Covid-19. Sipas të dhënave zyrtare nga autoritetet shëndetësore, nga 7188 testime kanë rezultuar pozitiv me Covid-19, 1375 qytetarë, ndërsa një ditë më parë janë konfirmuar 1197 persona.

Ndërkaq në orët e fundit kanë humbur jetën vetëm 4 persona duke e çuar në 8 000 numrin e përgjithshëm të viktimave.

Gjatë 24 orëve të fundit kanë fituar betejën me Covid 217 persona. Në Maqedonia aktualisht janë të infektuar me Covid 6 818 raste. Gjithashtu sot nga ministria e Shëndetësisë e vendit fqinj është konfirmuar edhe rasti i parë me “Flurona”.