Bashkia Patos është institucioni i radhës që është pjesë e abuzimeve me tenderët, duke shkelur në mënyrë të hapur ligjin. Vazhdimisht janë denoncuar raste nga qytetarët, mediet dhe politikanët që gjatë 2021 qyteti i Patosit mbulohej gjatë verës nga tymi dhe ajri i rëndë, për shkak se digjeshin mbeturinat, që me sa duket inceneratorit i Fierit i cili ka për detyrë nuk i menaxhon si duhet. Prej muajsh vazhdonte avazi, ndërsa Bashkia Patos ka vendosur të gjejë një zgjidhje provizore, që të paktën mbeturinat të mos shpërndahen kudo nëpër rrugë. Në dhjetor të viti që lamë pas ky institucion ka hapur një tender për blerje kazanësh për mbeturina. Me sa duket situata qenka shumë rëndë saqë bashkia nuk mund të vononte në kohë, por e ka shpallur fituesin e tenderit vetëm pak ditë më pas, pra sot me 5 janar 2022.
Por, pikërisht këtu fillon ngërçi, ky tender kap vlera shumë të larta kur bëhet fjalë vetëm për disa kazanë plehrash. Në kontratën e publikuar është përcaktuar fondi limit 1.2 miliardë lekë. Ndërkohë, skandali thellohet edhe më tej pasi tenderi është mbyllur pa garë, pra ka paraqitur ofertë vetëm “K.I.A. 2019 Shpk” dhe pa u lodhur të shqyrtojë procedurat Bashkia Patos e ka shpallur fituese. Duke bërë tender vetëm me një garues, kjo kontratë e bashkisë klasifikohet automatikisht në tenderët me flamur të kuq, çka përbëjnë rrezik për buxhetin e shtetit dhe shtojnë hapësira për abuzime.
Amullia e menaxhimit të mbetjeve
Problemi me menaxhimin e mbetjeve është evidentuar në disa qytet të vendit gjatë 2021, duke qenë se shume prej tyre i mbaronte kontratat me inceneratorët. Një nga më problematikët ka qenë edhe qyteti i Patosit. Në korrik të këtij viti me ditë të tëra Patosi dhe rrethina të tjerë ta Fierit u mbuluan nga tymi që krijohej nga djegia e mbeturinave në fshatin Sheq të Madh. Në vend depozitimin mbetjeve në Sheq te Madh është shpallur emergjencë mjedisore që përpara 10 vitesh. Ajo është hapur 50 vjet më parë dhe shërbente për grumbullimin e mbetjeve urbane të qytetit, në atë kohë me 20 mijë banorë. Tani kjo ‘bombë’ mjedisore grumbullon mbetjet e një bashkie me 200 mijë banorë, çka ka bërë që të dalë jashtë funksionit.
Mbetjet e Fierit prej kohësh duhej të menaxhoheshin dhe digjeshin në inceneratorin e këtij qyteti, i cili duhej të kishte përfunduar së ndërtuari në prill të këtij viti. Ndërtimi i inceneratorit është realizuar më anë të një kontrate partneriteti publik privat, e cila i ka kushtuar taksapaguesve 28 milion euro, por si duket nuk po kryen si duhet funksionin e tij.
E.H/Gijotina.com/
Discussion about this post