Ervin Resuli, Presidenti i Urdhrit Veterinar, ka folur ditën e sotme në “Sot, live në Shqipëri” në Report Tv për një ngarkesë me speca që vinte nga Shqipëria, që ishte mbi normën e lejuar me pesticide. Resuli ka thënë se ka qenë sistemi RAFT i monitorimit të BE-së që ka kapur ngarkesën.
Presidenti i Urdhrit tha se ministria dhe AKU nuk kanë asnjë njoftim zyrtar mbi këtë çështje dhe, sipas tij, kjo është alarmante.
“Sipas sistemit të monitorimit të BE-së RAFT, në Kroaci është konstatuar që një ngarkesë me speca ka qenë mbi norma dhe me pesticide të lejuara. Ajo që e bën situatën alarmante është se, nëse do të kontrollojmë ëebin zyrtar të Ministrisë së Bujqësisë apo AKU-së, ku ne si konsumatorë duhet të informohemi se për kë kompani bëhet fjalë apo se kush janë këto speca, qytetarët apo konsumatorët të mos i tërheqin nga tregu. Në fakt, nuk ka asnjë informacion dhe prandaj duhej edhe ndihma e medias që t’i bëhet thirrje institucionit, që të bëhet një thirrje zyrtare, që as mos të përhapet dhe mos të bëhet panik, por edhe të ketë një informacion të dedikuar për konsumatorin, i cili të mos dëmtohet nga këto pesticide mbi norma, siç janë këto perime, këto speca”, deklaroi ai.
Nga ana tjetër, Resuli ka nënvizuar se Ministria e Bujqësisë nuk ka reaguar, sipas tij, sepse është fushatë elektorale, jo për arsyen se nuk do të përhapë panik. Ai ka sjellë në vëmendje se, falë medias, nuk do të ishte gjendur as skandali që u zbulua pak ditë më parë me mishin salmonelë.
“Ministria e Bujqësisë, mesa duket, është në fushatë elektorale dhe nuk ka fokus për sa i përket mbrojtjes së konsumatorit. Absolutisht nuk ka të bëjë me linjën e panikut. Falë medias, u bë edhe regjistrimi dhe u vu në dukje e gjithë situata, për të cilën ne shmangëm apo ju bashkë shmangët konsumin e vazhdueshëm të kësaj filetoje, e cila mund të kishte pasoja të rënda”.
Discussion about this post