Shtohen rastet e dhunës në familje

Rastet e dhunës në familje kanë ardhur në rritje. Edhe në vitin 2024, situata nuk ka qenë premtuese, për të pasur një përmirësim.

Të dhënat e nxjerra nga 13 Prokuroritë e Juridiksionit të Përgjithshëm, gjatë 2024 janë regjistruar mbi 1600 procedime penale, me mbi 1200 të pandehur ose me rritje 18,6 % krahasur me vitin 2023.

Në raportiin e prokurorit të përgjithshëm Olsian Çela evidentohet se politika penale për çështje të “Dhunës në familje” është e ashpër. Të dhënat statistikore evidentojnë se kërkesat e prokurorëve lidhur me masat e sigurimit janë të ashpra, ku mbi 88% janë kërkesa për masa sigurimi me arrest, që përbën rritje në krahasim me vitin 2023, ku kërkesat për arrest ishin në masën 87%. Për veprën penale të dhunës në familje kërkesa për dënimin e të pandehurve është 64,56 % e për caktimin e dënimit me burg dhe 34.44 % e kërkesave janë për caktimin e alternativave të tjera të dënimit.

Edhe situata më të miturit nuk paraqitet e mirë. Të miturit në konflikt me ligjin, sipas të dhënave statistikore të vitit 2024 janë regjistruar 722 çështje dhe ku pasoja kanë rënë mbi 740 të mitur viktima të dhunës, prej të cilëve 370 femra dhe 377 meshkuj.