Vartësi i Belinda Ballukut u paraqit në SPAK! Reagon Bardhi: Ai ka qenë financues i fushatës…

Kreu i Grupit Parlamentar të PD-së, Gazment Bardhi, ka reaguar pas paraqitjes së Jonaid Myzyrit, kreut të Komisionit të Prokurimeve Publike, në SPAK.

Bardhi ka akuzuar Ministren e Infrastrukturës, Belinda Balluku, se po tenton të imponojë rizgjedhjen e Myzyrit në krye të Komisionit, edhe pse mandati i tij përfundon në korrik. Ai ka theksuar se Myzyri është i implikuar në skandale korrupsioni, përfshirë favorizimin e kompanive si Alko-Impex, të cilat po hetohen nga SPAK.

Bardhi ka sugjeruar gjithashtu se Myzyri ka qenë financues i fushatës së Ballukut dhe ka ndihmuar në blerjen e votave përmes kontratave me kompani që punojnë në Fier. Ai ka paralajmëruar se SPAK është duke hetuar këto raste dhe se ata nuk do të kenë mundësinë të shmangin drejtësinë.