8 skuadra kanë mbetur ende në garë për të fituar trofeun e Champions League në këtë sezon dhe ndeshjet e para do të luhen sot në mbrëmje. Pas disfatave në kampionat ku e shikojnë titullin kampion më larg, Arsenal dhe Real Madrid do të përballen në Londër.
Madrilenët janë kampionët në fuqi të turneut dhe mbajnë rekordin me 15 Champions League të fituara, ndërsa londinezët kanë mbërritur në finale në 2006, ku u mundën nga Barcelona. Pikërisht atë vit Arsenal eliminoi nga gara Real. Po sot në orën 21:00 Bayern Munchen do të presë Inter. Të dy ekipet kryesojnë kampionatet respektivisht në Gjermani dhe Itali. Bayern vjen në këtë takim me një vijueshmëri prej 22 rezultatesh pozitivë në shtëpi, 17 fitore dhe 5 barazime në Champions.
Humbja e fundit daton në vitin 2021. Inter është i vetmi ekip italian ende në Champions League dhe po vijon në ndjekë ëndrrën e tripletës ashtu si në 2010. Kristjan Asllani nuk është i gatshëm për shkak kartonësh.
Discussion about this post