Mesfushori i Kombëtares, Juljan Shehu ka shënuar golin e katërt në Poloni me fanellën e Widzew Lodz, të tretin pas ftesës nga Sylvinho dhe pas debutimit me fanellën kuqezi.
Për raundin e 28-të në elitën e futbollit polak, Widzew Lodz humbi 2-1 në udhëtim kundër Korona Kielce, por dueli u shënjua nga supergoli i shqiptarit. Ishte minuta e 73-të kur Shehu mori një pasim në zonë, veproi bukur dhe mes shumë mbrojtësve doli në pozicion goditës dhe e ndali sferën në rrjetë.
Barazimi momental dhe supergoli u festuan nga miqtë, por dhjetë minuta nga fundi i ndeshjes vendasit e Korona gjetën golin e fitores. Veç golit, Shehu u ndëshkua edhe me karton të verdhë dhe po tregon një rritje në lojë, gjë që duket me golat e realizuar.
Discussion about this post