Dy persona janë arrestuar ditën e sotme nga policia e Tiranës për veprën penale ‘trafikim të armëve të zjarrit me qëllim shitjen’. Si rezultat i finalizimit të operacionit policor të koduar ‘Suspend 1’, është bërë e mundur vënia në pranga e dy të rinjve, Dejvi Naci 21 vjeç dhe Albi Spahaj 24 vjeç. Mësohet se policia ka sekuestruar një armë zjarri pistoletë me municion luftarak të cilën e konstatuan gjatë kontrollit fizik të 21-vjeçarit.
Bëhet me dije se 24-vjeçari u vu në pranga për moskallëzim krimi pasi po shoqëronte të riun.
Tiranë/Finalizohet operacioni policor i koduar”Suspend 1”. Goditet një tjetër rast i trafikimit të armëve të zjarrit, me qëllim shitjen. Sekuestrohet 1 armë zjarri pistoletë dhe municion luftarak, vihet në pranga 21-vjeçari. Në pranga dhe një 24-vjeçar për moskallëzim krimi, i cili shoqëronte 21-vjeçarin. Seksioni për Hetimin e Trafiqeve të Paligjshme, në bashkëpunim me Forcën Operacionale të DVP Tiranë, si rezultat i hetimeve të kryera me metoda proaktive, në drejtimin e Prokurorisë, për goditjen e veprimtarisë kriminale të shitjes së armëve të zjarrit, ka organizuar dhe finalizuar operacionin policor të koduar “Suspend 1”.
Si rezultat e të cilit arrestuan shtetasit Dejvi Naci 21 vjeç dhe Albi Spahaj 24 vjeç, të dy banues në Fier. Gjatë kontrollit fizik të 21-vjeçarit, shërbimet e Policisë gjetën e sekuestruan një armë zjarri pistoletë dhe municion luftarak, të cilën dyshohet se e posedonte me qëllim shitjen në Tiranë. Materialet procedurale iu referuan Prokurorisë së Tiranës, për veprime të mëtejshme.
Discussion about this post