Kryemadhi me deklarata të forta: Mercenarët kanë uzurpuar Partinë e Lirisë

Monika Kryemadhi doli nga SPAK ku u paraqit në zbatim të masës së sigurisë, nga ku dha disa deklarata të forta

“Stafi i ngushtë i Metës me paturpësinë më të madhe thotë mos dëgjoni Monikën se kërkon vota për PS”, tha Kryemadhi duke treguar se “mercenarët kanë uzurpuar Partinë e Lirisë”.

“Stafi i ngushtë i zotit Meta me paturpësinë më të madhe thonë mos dëgjoni Monikën se kërkon vota për PS. Kur në të vërtetë, paaftësia e tyre për të shkuar derë më derë tek njerëzit është një justifikim i tillë. I bëj thirrje të gjithë anëtarëve të PL, miqve, të votojnë Ilir Metën. Vota të shkojë si votë morale. Ça thonë zyrtarët apo mercenarët që kanë uzupruar drejtimin e PL, t’i harrojnë dhe të ecin përpara”, tha deputetja e PL.

Ajo foli edhe për divorcin me Metën duke shtuar se ishte Presidenti i PL që kërkoi një gjë të tillë, duke shtuar se nuk ka patur arsye që ajo të kërkojë seancë pajtimi.