Tensione në Fier, mbështetësit e Agron Kapllanajt përplasen me agjentët e BKH

Incident në Fier mes hetuesve te BKH dhe Forcave Operacionale dhe njerëzve të Agron Kapllanajt, ish-kryebashkiak në Mallakastër.

Sipas disa raportimeve mediatike, agjentë kanë nisur një operacion këtë mbrëmje, dyshohet për blerje votash. Deri më tani janë shoqëruar në policia disa persona.

Kapllanaj u rreshtua krah Lulzim Bashës në përplasjen që ndodhi me Sali Berishën. Madje ky i fundit e sulmoi disa herë. Më pas Kapllanaj u bashkua me Alibeajn në krijimin e partisë “Djathtas 1912”.

“Shërbimet e Drejtorisë së Forcës së Posaçme Operacionale në Departamentin e Policisë Kriminale në Policinë e Shtetit, së bashku me hetuesit e BKH-së pasditen e sotme kanë qenë me shërbim në qarkun e Fierit.

Rreth orës 19:20, të mbrëmjes së sotme, në aksin rrugor Fier – Patos, shërbimet operacionale të Policisë dhe hetuesit e BKH-së janë goditur për shkak të detyrës nga disa persona, të cilët janë identifikuar dhe shoqëruar në Drejtorinë Vendore të Policisë Fier për veprimeve të mëtejshme.

Të gjitha veprimet hetimore e procedurale janë duke u kryer nga Prokuroria e Juridiksionit të Përgjithshëm Fier”, njoftoi policia.