Një 51-vjeçar është ekstraduar nga Zagrebi pasi ishte shpallur në kërkim ndërkombëtar për drogë.
Ndaj 51-vjeçarit Agustin Lleshi, gjykata e Lezhës kishte caktuar masën e sigurisë ‘arrest në burg’ për veprën penale “Prodhimi dhe shitja e narkotikëve”.
Në vitin 2023, dyshohet se ky person ka qenë i implikuar në një rast të transportimit të një sasie kanabisi me qëllim shitjen, rast i goditur nga Policia, te mbikalimi i Rrëshenit.
“Ekstradohet nga Zagrebi, një shtetas me masë sigurie “Arrest në burg”, nga Gjykata e Lezhës, për prodhim/shitje narkotikësh.
Si rezultat i bashkëpunimit të ngushtë ndërmjet Interpol Tiranës dhe homologëve në Kroaci, u finalizua procedura e ekstradimit në Shqipëri, të shtetasit të shpallur në kërkim ndërkombëtar, A. Ll., 51 vjeç, i lindur në Lezhë.
Gjykata e Lezhës, në vitin 2023, i ka caktuar këtij shtetasi, masën e sigurisë “Arrest në burg”, për veprën penale “Prodhimi dhe shitja e narkotikëve”.
Në vitin 2023, dyshohet se ky shtetas ka qenë i implikuar në një rast të transportimit të një sasie lënde narkotike Cannabis Sativa, me qëllim shitjen, rast i goditur nga Policia, te mbikalimi i Rrëshenit”, njoftoi policia.
Discussion about this post