kryedemokrati Sali Berisha ka zhvilluar pasditen e kësaj të marte një miting në Korçë në kuadër të fushatë elektorale për zgjedhjet parlamentare të 11 Majit.
Gjatë fjalës së tij, Berisha pati një apel për punonjësit e administratës, ku iu tha se le të shkojnë në mitingjet e Edi Ramës, pasi sipas tij e kanë me detyrim, por të mos i japin votën kryesocialistit.
Po ashtu, ai pati një thirrje edhe për diasporën, ku iu bëri apel që të mos e fotografojnë votën.
Berisha: Ju e shihni, Edvin… t’i themi burreci dy metra i gjatë, memja e gjallë apo Edvin Batuta, zhvillon takime me zyrtarë të sjellë me detyrim në takime. Kam një mesazh për ata, në emër tuaj. Ju nënpunësit e këtij shteti, që zbatoni ligjin, jeni dhe do të mbeteni njerëz të respektuar.
Ndaj edhe thirrja ime për ju është; në takime nuk keni çfarë bëni, do shkoni se ju pushojnë nga puna, por votën mos ia jepni. Votoni për vëllezërit dhe motrat tuaja, për dinjitetin tuaj. Votoni që më 11 maj të shkojë atje ku e meriton.
I bëj thirrje diasporës që po voton këto ditë, asnjë votë mos fotografoni, qëndroni qytetarë të lirë të këtij vendi, qytetarë të lirë aty ku jeni.
Votoni ndryshimin, votoni shpëtimin e Shqipërisë.
Dhe ata që nuk mundën të regjistrohen, të bëjnë gjithçka, të vërshojnë drejt Korçës dhe Shqipërisë më 11 maj, ditën e fitores.
Discussion about this post