Policia e Tiranës ka shoqëruar dhe pyetur të paktën 9 punonjës të skanerit në portin e Durrësit, agjentë doganore dhe punonjës të Autoritetit Kombëtar Ushqimor, në lidhje me kontejnerin me banane, ku ishin fshehu 119 kg kokainë. Kjo pasi kamioni me 119 kg kokainë në arkat me banane, i cili u kap pak dite me parë doli i pastër në skanerin e Portit të Durrësit.
Deri më tani bëhet e ditur që tre nëpunës të Portit të Durrësit pritet të arrestohen gjatë orëve në vijim për çështjen në fjalë. 119 kilogramë kokainë kapën më 30 dhjetor të vitit që lamë pas.
Sipas Policisë, kamioni me kontejnerin me banana ka kaluar transit në një port në Itali. Autoritetet italiane kanë konstatuar mungesën e vulës, dhe për këtë arsye ushtruan kontroll dhe kanë konstatuar mungesë të arkave me banana.
Pas kësaj, kontejneri është mbyllur dhe ripumblosur dhe më pas arriti në portin e Durrësit. Nga kontrolli në skaner, kontejneri ka rezultuar i pastër dhe ka dalë nga porti me destinacon magazinat e firmës në periferi të qytetit të Tiranës. Përgjatë aksit Durrës – Tiranë, në vendin e quajtur Romanat, kamioni që transportonte kontenierin është ndaluar nga persona ende të paidentifikuar, të cilët për disa minuta kanë ushtruar kontroll në kamion dhe kontenierin me banane dhe më pas janë larguar me shpejtësi.
Për këtë situatë, përfaqësuesit e firmës importuese të bananeve kanë njoftuar Policinë e Shtetit. Pas hetimeve, uniformat blu kanë bërë të mundur arrestimin e shtetasve H. S., 63 vjeç dhe G. K., 31 vjeç, banues në Tiranë, drejtues të automjeteve të firmës, dhe M. M., 34 vjeç, banues në Tiranë, administrator i një firme import-eksporti me vendet e Amerikës Latine.
Discussion about this post