Aksident në Rrugën e Kombit, 2 mjete përplasen në dalje të tunelit

Një aksident ka ndodhur në premten në tunelin e Kalimashit, në Rrugën e Kombit.

Mësohet se dy makina janë përplasur në dalje të tunelit, në Kukës dhe për pasojë dy persona kanë mbetur të lënduar.

“Rreth orës 10:15, në tunelin e Kalimashit, dyshohet se janë përplasur një automjet i subjektit përgjegjës për mirëmbajtjen e rrugës dhe një automjet tjetër.  Si pasojë janë dëmtuar shtetasit N. B., S. T. dhe E. Sh., të cilët janë transportuar në spital, për ndihmë mjekësore. Në vendngjarje ndodhet grupi hetimor, i cili po punon për zbardhjen e plotë të rrethanave dhe shkaqeve të aksidentit“, njoftoi policia.