Kryetari i Partisë Demokratike, Lulzim Basha ka komentuar deklaratat e mbështetësve të Sali Berishës, të cilët janë shprehur se është blinduar selia e PD. Me ironi, Basha tha se kemi edhe tanke apo snajpera, ndërsa u shpreh i vendosur se të gjitha ato që thuhen janë marrëzira.
Kryedemokrati pranoi se në seli po bëhen punime, por hodhi poshtë pretendimet e mbështetësve të Berishës. Ai ftoi cilindo që të vizitojë zyrën e tij, ajo nuk ka ndryshuar dhe nuk është blinduar.
“Keni harruar të tregoni që kemi edhe tanke, snajpera…këto janë marrëzira dhe është e trishtueshme që viti i ri i gjen shqiptarët me këtë, ndërkohë që ata përballen me probleme reale. Këto janë problemet e atyre që na ndjekin dhe jo përpjekjet e një njeriu por të marrë peng një parti për ta kthyer në bunker dhe për ti përdorur qytetarët si mish për top
Në zyrën time mund të vini për një kafe, ka qenë e njëjta që ka qenë. Ato që janë thënë janë përtej imagjinatës së shfrenuar. Krijohet ideja që Berisha ka, ta ktheje PD në bunker për interesat e veta” – tha Basha.
Më tej ai tha se nuk është e vërtetë që mbështetësit e Berishës nuk u lejuan në seli, duke sqaruar se ajo që ka thënë grupi i Berishës është show për të treguar se gjoja PD është një bunker.
“Nuk është e vërtetë, këtë e ka sqaruar sekretari i përgjithshëm. Ai ishte një show për të treguar se gjoja PD është një bunker. Në fakt janë ata një pakicë që duam ta kthejnë PD në bunker. PD nuk mund të kthehet në bunker për interesat e Berishës. Këta që bëjnë shfaqje, duhet të vijnë në Parlament sepse kanë 4 muaj që nuk kanë ardhur” – tha Basha.
Discussion about this post