Një persona është arrestuar pasi makina që ai drejtonte u përplas me një turmë njerëzish në një festival rrugor filipinas në Vankuver, të Kanadasë duke vrarë dhe plagosur disa persona, sipas zyrtarëve dhe dëshmitarëve.
Incidenti ndodhi pak pas orës 20:00 të së shtunës kur automjeti – një fuoristradë e zezë – u përplas me njerëzit që merrnin pjesë në festën e Lapu Lapu Day Block, e cila është një festë vjetore për nder të heroit të parë kombëtar të Filipineve.
Pamjet nga vendi i ngjarjes treguan viktima të shumta në tokë, disa prej të cilëve dukeshin të vdekur ose të plagosur rëndë.
Viktimat u goditën teksa ecnin ose prisnin në kamionë ushqimorë të cilët janë të rreshtuar përgjatë rrugës.
“Një numër njerëzish janë vrarë dhe shumë të tjerë janë plagosur pasi një shofer u përplas me një turmë në një festival rruge,” tha Policia e Vankuverit në një deklaratë. “Shoferi është në paraburgim. Ne do të japim më shumë informacion ndërsa hetimi do të zhvillohet.”
Është e paqartë nëse përplasja ishte një aksident apo e qëllimshme, por Don Davies, një deputet që përfaqëson distriktin Vancouver Kingsway, e quajti incidentin një “sulm të tmerrshëm”.
Discussion about this post