Çmimi i ulët i trangullit dhe domates ka nxitur sot në mesditë një protestë të dhjetëra fermerëve nga bashkitë Roskovec dhe Dimal.
Sipas tyre, çmimi i ulët me të cilin grumbulluesit kërkojnë të blejnë produktet e tyre i ka futur në vështirësi serioze, pasi nuk mbulojnë dot as kostot e prodhimit.
Ndër të tjera, fermerët propozojnë si zgjidhje vendosjen e një tabele elektronike me çmime javore për produktet bujqësore pasi për ta janë pikat e grumbullimit ato që bëjnë lojëra të përsëritura me çmimet.
Sipërfaqet e mëdha me sera në këto zona luajnë një rol kyç në ekonominë e fermerëve, por mungesa e kontrollit nga shteti dhe vështirësitë me të cilat përballen po i demoralizojnë dita-ditës.
Në proteste kanë marrë pjese fermerët e fshatrave Suk1, Suk2, Arapaj, Strum si dhe fermerët e serave te fshatrave të Beratit si Rrerez, Stamaticë, Drenovicë, Goriçan Kutalli etj të bashkisë Dimal.
Discussion about this post