Një aksident është regjistruar në hyrje të Divjakës. Një automjet tip Benz ka goditur një motoçikletë në rrugën nacionale Çermë-Divjakë.
Mjeti tip Benz ka goditur mjetin tip motoçikletë dhe nga përplasja ballore e tyre drejtuesi i motoçikletës është plagosur rëndë.
Ambulanca e ndodhur në afërsi të vendit të ngjarjes e ka transportuar të dëmtuarin në spitalin e Lushnjes.
I aksidentuari 78-vjeçar, Miti Shkoza është nisur nga spitali i Lushnjës drejt spitalit të Traumës për mjekim më të specializuar.
Sapo kanë stabilizuar gjendjen e të moshuarit të aksidentuar mjekët e Lushnjes kanë dhënë ‘ok’ që ai të dërgohet në drejtim të spitalit të Traumës.
Gjendja e tij është e rëndë, por e stabilizuar përkohësisht.
Policia ka mbërritur në vendngjarje dhe po dokumenton aksidentin si dhe po merr masa për disiplinimin e trafikut.
Sipas të dhënave të para nga vendngjarja drejtuesi i benzit ka qenë në manovër parakalimi dhe ka përplasur motoçikletën.
Policia ka shoqëruar drejtuesin e mjetit tip Benz për të hedhur dritë mbi rrethanat e aksidentit.
Discussion about this post