Pesë persona kanë mbetur të plagosur në Laç. Dyshohet se bëhet fjalë për një sherr mes të rinjve, dhe njëri prej tyre ka qëlluar drejt një makine ku lëviznin 4 persona.
Mes tyre të lënduarve është edhe një grua e identifikuar si Angjelina Gjezaj. E moshuara, shitëse pranë Gjykatës së Kurbinit, ka marrë një plumb në këmbë.
Katër të plagosurit e tjerë janë Amarildo Ndoj, Liridon Ismaili, Daniel Gjeloshi dhe Geri Bitri.
Të pesë personat janë dërguar në spitalin e Traumës në Tiranë dhe mësohet se njëri prej tyre ndodhet në gjendje të rëndë shëndetësore dhe i është nënshtruar një operacioni. Ndërkohë, digjet një makinë në Balldre, dyshohet e autorëve të të shtënave në Laç
Policia është duke marrë në pyetje dëshmitarë dhe po punon për identifikimin dhe kapjen e autorëve të dyshuar.
Discussion about this post