Një rast përdhunimi është regjistruar në Shkodër. Një 19-vjeçar është vënë në pranga pasi akuzohet se ka përdhunuar një 15-vjeçare. Arrestimi i tij ka ardhur pas denoncimit të rastit nga e mitura, ndërsa autori është identifikuar si me inicialet D. M. banues në lagjen “Perlat Rexhepi”. Materialet procedurale i kaluan Prokurorisë pranë Gjykatës së Shkallës së Parë Shkodër.
“Arrestimi i këtij shtetasi u bë pasi në Komisariatin e Policisë Shkodër ka bërë kallëzim një shtetase 15 vjeçe, e cila ka deklaruar se shtetasi D. M. e ka detyruar të kryejë marrëdhënie seksuale, pa dëshirën e saj”, njofton policia.
Ndërkohë një tjetër person është arrestuar pasi rezultonte i shpallur në kërkim. Ai akuzohet për ngacmim seksual, ndërsa është identifikuar si R. A., 59 vjeç, banues në fshatin Romanat Durrës.
“Specialistët për Hetimin e Krimeve ndaluan shtetasin në kërkim R. A., 59 vjeç, banues në fshatin Romanat Durrës, pasi Gjykata e Apelit Durrës i ka caktuar masën “Arrest në burg” për veprën penale “Ngacmim seksual“, thotë policia.
Discussion about this post