Departamenti i Sigurisë Kombëtare në SHBA duket se ka zgjedhur një mënyrë aspak të zakonshme, për të larguar emigrantët pa dokumentet.
Në një njoftim të bërë së fundmi, u tha shteti do t’i paguante emigrantët pa dokumente që largohen nga Shtetet e Bashkuara dhe kthehen në vendin e tyre. Pra, SHBA do u paguajë këtyre personave biletën e udhëtimit, pa të drejtë kthimi, e po ashtu 1,000 dollarë shtesë pasi ata të verifikojnë se janë kthyer në vendin e tyre.
Emigrantët mund të verifikojnë largimin e tyre nga SHBA-ja duke përdorur aplikacionin “CBP Home”, tha agjencia. Në njoftim theksohet se ata që marrin pjesë në këtë proces nuk do të jenë nën shënjestër nga zyrtarët e imigracionit për ndalim dhe largim nga vendi, dhe se “mund” të ruajë mundësinë që të rihyjnë në SHBA ligjërisht në të ardhmen.
Presidenti amerikan, Donald Trump është zotuar të dëbojë miliona emigrantë pa dokumente nga SHBA-ja, dhe kjo ofertë mund t’i nxisë njerëzit të largohen vullnetarisht nga vendi dhe të shtojë numrin e emigrantëve që largohen.
Raportohet se një emigrant e ka përdorur tashmë ofertën për t’u kthyer në Honduras, sipas agjencisë, duke shtuar se disa bileta të tjera avioni janë rezervuar për këtë javë dhe javën tjetër.
Discussion about this post