Sot, moti në Shqipëri do të karakterizohet nga alternime kthjellimesh dhe vranësirash. Gjatë ditës, në disa zona të vendit do të ketë reshje shiu, duke sjellë kushte të paqëndrueshme atmosferike.
Në qarqet e Durrësit, Tiranës dhe Elbasanit, priten reshje me intensitet mesatar, të cilat mund të shoqërohen me periudha të shiut të dendur, kryesisht në orët e pasdites. Kjo do të ndikojë në freskimin e temperaturave dhe rritjen e ndjeshme të lagështisë në ajër.
Ndërsa në zonat si Shkodra, Dibra, Fieri, Berati dhe Vlora, parashikohen reshje të lehta, ndonjëherë të moderuara, me ndikim më të kufizuar. Mund të ketë ndonjë stuhi lokale, por përgjithësisht nuk priten shqetësime të mëdha.
Temperaturat e ajrit do të pësojnë rënie në orët e mëngjesit por vijojnë kostante në mesditë duke luhatur vlerat ditore nga 9°C vlera më e ulët e shënuar në qytetin e Peshkopisë deri në 27°C vlera më e lartë e cila do të regjistrohet në qarkun e Beratit.
Era do të fryjë mesatare deri e fortë me shpejtësi mbi 40 km/h nga drejtimi Veriperëndimor duke sjellë në brigjet e Adriatikut dhe Jonit dallgëzim 2 ballë.
Discussion about this post