Mund t’ju ketë ndodhur ose do t’ju ndodhë ndonjëherë që partneri të harrojë ditëlindjen tuaj. Disa vajza mund ta marrin me sportivitet, ndërsa ka edhe nga ato që mund të bëjnë një sherr të madh me të dashurin për këtë detaj kaq të rëndësishëm për to.
Është normale të ndiheni e lënduar apo e zhgënjyer, por mos lejoni që emocionet t’ju udhëheqin menjëherë. Një reagim i nxituar mund të përkeqësojë situatën. Ndo.njëherë, harresa është thjesht një gabim njerëzor, sidomos nëse partneri ka pasur shumë stres, punë apo probleme personale. Shihni nëse kujtohet vetë brenda ditës apo në ditët në vijim. Fakti që i dashuri juaj e ka harruar ditëlindjen nuk do të thotë se ju duhet të qani. Dilni, argëtohuni dhe mos e mbani mendjen tek ai.
Kur të ndiheni gati, flisni me të. Shprehni qartë dhe me qetësi si ju ka bërë të ndiheni harresa e tij. Nëse e minimizon apo ju fajëson ju, është shenjë për të reflektuar më thellë mbi dinamikën mes jush. Ndonjëherë nga veprime të vogla, arrijmë të njohim njerëzit që kemi në krah
Discussion about this post