Moti parashikohet me kthjellime si dhe alternime vranësirash mesatare deri të dendura. Vranësirat në orët e mesditës deri ato të pasdites vonë do të shoqërohen me reshje shiu me intensitet të ulët dhe lokalisht në formë shtrëngatash në relievet malore në lindje.
Në orët e vona të mbrëmjes reshje shiu me intensitet të ulët dhe mesatar në formën e shtrëngatave në zonën e jugut dhe qendër. Këto reshje në periudha afatshkurtra në formën e rrebesheve shoqëruar me shkarkesa elektrike dhe breshër. Mjegullinë përgjatë zonave luginore nga orët e mëngjesit si dhe në momentin e reshjeve të shiut.
Era do të fryjë me drejtim jugperëndim – veriperëndim me shpejtësi mesatare 1-3 m/sek. Ndërsa përgjatë vijës bregdetare e lugina era do të fryjë me shpejtësi 5-8 m/sek, e shoqëruar me valëzim në dete të forcës 1-2 ballë.
Discussion about this post