Kreu i Këshillit Kombëtar të Partisë Demokratike, Edi Paloka ka komentuar reagimin e DASH për Sali Berishën, ku këtij të fundit i është hapur drita jeshile për të udhëtuar drejt Shteteve të Bashkuara.
“Edhe dje doli lajmi për doktorin, edhe sot. Dhe që është e vërtetë kjo nuk diskutohet. Por po them nuk është lajmi që Berishës do t’i hiqej non grata se këtë praktikisht ne e dinim të gjithë. Unë e kisha deklaruar në fakt dhe e dija që do të ndodhte. Madje vetë Rama, ju e keni para që nuk e ka përmendur me këtë gjë.
Por tani pyetja është: Rama a e kalon dot oqeanin. Kjo ka qenë pyetja që është bërë që me ardhjen e administratës Trump.
Ky është thjesht kukulla e Sorosit në Shqipëri. Imagjinoni sa e llogarisin. Se ky nuk e di tashti. A nga momentet që po kalon, apo e tillë është nuhatja politike i ka rrëshqitur apo i ka humbur këto kohë, kjo është çështje tjetër.
E mbani mend në një nga këto, Sy m’Sy, vesh me vesh që thotë doktori se ky flet me vete, kur u pyet për këtë nëse e kalon dot apo jo oqeanin, tha se hajt se do të ketë një surprizë.
Ai e di shumë mirë që nuk është si herën e parë. Ka ndryshuar komplet situata. Nuk është administrata e parë Trump. Është administrata ku Sorosi është armiku. Është shpallur non grata Blinken, është shpallur non grata Soros. Të gjithë pra ata që mbanin Ramën me paterica, janë fshirë të gjithë. Ky është thjesht kukulla e tyre. Kukulla e Sorosit, siç i tha LaCivita. Pra, ky këtë e ndjen. Dhe ajo hedhja që bëri atë ditë në media, prisni, prisni se do keni surpriza. E ka pas një arsye pse e tha, sepse ai kishte filluar t‘i shpërndante milionat si dikur. Edhe rastet i dimë ne. Tentoi në Gjermani, pastaj mbrapa etj.
Dhe kur e tha atë do keni surpriza kishte një farë shprese ky që do i ecte si dikur. Atij që ju sëmur Vuçiçi, i ngeli në dorë. Ky i ka ngelur në dorë pa filluar fare, nuk u nis për kurrkund. Edhe absurdja është se përdori atë lajmin që doli nga Hashtagu në mos gaboj se anulohet takimi i Ramës. Dhe të ngazëllehesh. E patë që nuk ishte e vërteta, tha. Ata nuk kanë dashur të më presin hiç mu. Dhe ky ishte ngazëllimi. Lajmi nuk ishte se u anulua takimi se nuk ishte caktuar kurrë. Por kjo nuk do të thotë se nuk ka pasur tentativa për ta bërë takimin. Tentativat kanë qenë dhe dështuan”, u shpreh Paloka.
Discussion about this post