Policia gjermane nisi hetimet ndaj dy shqiptarëve, të cilët u ndaluan në Kreuth.
Shqiptarët u ndaluan nga policia kufitare teksa po lëviznin me një Mercedes me targa italiane.
Kur policia i ndaloi në një stacion karburanti, ata paraqitën dokumente sikur ishin diplomatë.
Por pasaportat e tyre diplomatike ishin të falsifikuara.
Gjatë kërkimit, policia gjeti edhe 10 dokumente false në mjetin e tyre.
Shoferi 44-vjeçar dhe pasagjeri 50-vjeçar kishin edhe një kartë bankare që i përkiste një personi tjetër, për të cilën thanë se e kishin gjetur.
Policia kufitare konfiskoi dokumentet e falsifikuara dhe kartën bankare.
Dy personat u akuzuan për falsifikim. Ata u liruan pasi përfundoi hetimi policor.
Discussion about this post