Komisioni Evropian njoftoi sot planet për të vendosur tarifa shtesë ndaj importeve amerikane me vlerë rreth 95 miliardë euro (107 miliardë dollarë) – nëse negociatat me Uashingtonin nuk rezultonin në një zgjidhje për konfliktin tregtar.
Një listë e produkteve të publikuara përfshinte mallra industriale dhe bujqësore.
“Për më tepër, komisioni po konsultohet me vendet anëtare – lidhur me kufizimet e mundshme ndaj eksporteve të caktuara të BE-së të çelikut dhe produkteve kimike në SHBA – me vlerë 4,4 miliardë euro”, thuhet në njoftimin për shtyp.
“BE mbetet plotësisht e angazhuar për të arritur rezultate të negociuara me SHBA-në”, tha presidentja e Komisionit Evropian, Ursula von der Leyen.
“Ne besojmë se mund të arrihen marrëveshje të mira – në dobi të konsumatorëve dhe bizneseve në të dy anët e Atlantikut. Në të njëjtën kohë, ne vazhdojmë të përgatitemi për të gjitha mundësitë”, shtoi Von der Leyen.
Në prill, presidenti amerikan, Donald Trump pezulloi tarifat speciale për importet nga shumica e partnerëve tregtarë, përfshirë BE-në, për 90 ditë – duke bërë që blloku të pezullonte kundërtarifat e planifikuara – për të lejuar bisedimet e mëtejshme SHBA-BE.
Discussion about this post