Sali Berisha ka mbajtur këtë të enjte mitingun përmbyllës në Shkodër teksa gjatë fjalës së tij u ka bërë thirrje qytetarëve që të mos e votojnë Tom Doshin, të cilin e ka quajtur “Tom Pazari”.
Berisha tha se votat për Tom Doshin janë vota për Edi Ramën, pasi sipas tij, kreu i PSD_së është skllav i kryeministrit.
“Me Edi Ramën shkohet drejt Tom Doshit. Me Tom Doshin shkohet drejt Edi Ramës.” – u shpreh lideri demokrat.
Po ashtu, Berisha bëri thirrje për të mos votuar as partitë e reja, që sipas tij, janë kundër rotacionit, pasi janë maska të Edi Ramës.
Sali Berisha: Ndaj dhe unë u ftoj ju me 11 Maj të votoni ekipin e Luçiano Boçit, e profesor Luçiano Boçit, këta gra e burra që janë krenari për Shkodrën dhe Shqipërinë. U ftoj të mbështesni këtë ekip se përballë është alternativa e krimit. Në Velipojë, përfaqësuesit e Pëllumb Gjokës. Në Dajç, të tjerët. Në Dobraç, të tjerët. Tani u them atyre unë, me datën 12 Maj, qeveria e re do t’u shpallë ju grupe terroriste dhe mos guxoni të kërcënoni qoftë dhe një komisioner dhe një qytetar. Do të përgjigjeni ashtu siç nuk ua pret mendja. Dhe mos mendoni se u mbrojnë Edi Rama dhe Benet Beci. Ia mbathin të parët.
Qytetarë të mençur të Shkodrës, u bëj thirrje, asnjë votë për Tom Pazarin. Asnjë votë. Vota për Tomën është e tëra votë për Edi Ramën. Toma është skllavi i Edi Ramës. Kurse ato partitë, o miq, ato partitë që u thonë ju se ne nuk jemi për rotacionin, ato janë maska, ato janë për Edi Ramën. Po si nuk je ti për rotacionin, largimin e një regjimi që po e zhbën Shqipërinë? Atëherë ti je një vegël e Edi Ramës. Asnjë votë për ta.
Në Europë shkohet me ideale demokratike. 11 Maji është dita që ju firmosni për integrimin e Shkodrës dhe Shqipërisë në Europë. Me Edi Ramën shkohet drejt Tom Doshit. Me Tom Doshin shkohet drejt Edi Ramës.
Me Aleancën për Shqipërinë Madhështore shkohet drejt Brukselit, shkohet drejt Europës, shkohet drejt aleancës me SHBA.
Discussion about this post