Policia e Dibrës njofton se ka kallëzuar në SPAK administratorin e njësisë administrative Xibër dhe një 57-vjeçar nga Klosi për veprat penale “Korrupsioni aktiv në zgjedhje”, “Vetëgjyqësia” dhe “Pengimi i qarkullimit të mjeteve të transportit rrugor”.
Sipas policisë, shtetasit e kallëzuar janë E.D., 36 vjeç, (administratori i njësisë Administrative Xibër), dhe shtetasi B.H., 57 vjeç, banues në Klos.
Po në Mat, shtetasi J.M., 27 vjeç, banues në Gurrë e Madhe, është proceduar për veprën penale “Mbajtja pa të drejtë e uniformës”, pasi kishte vendosur në mënyrë të paligjshme fenelina identike me ato të Policisë në automjetin e tij.
Ndërkohë në Bulqizë, punonjësi i Policisë Bashkiake, N.S., 52 vjeç, banues në Ostren, është proceduar për veprën penale “Dëmtime të tjera me dashje”, pasi dyshohet se ka goditur me grusht një shtetas tjetër, K.C., 43 vjeç nga Tirana. Ky i fundit po ashtu është proceduar për “Pengimin e qarkullimit të automjeteve”, pasi dyshohet se ka bllokuar lëvizjen e mjeteve në fshatin Radovesh.
Policia thekson se hetimet po vijojnë dhe do të veprohet me vendosmëri ndaj çdo shkeljeje që cënon rendin, sigurinë dhe ligjshmërinë gjatë procesit zgjedhor.
gijotina.com/
Discussion about this post