Përdiësuar
Zbulohen rezultatet e qendrave të para të votimit, që i përkasin Vorës, aty ku votimi ishte elektronik.
Në një deklaratë për mediat nga Komisioni Qendror i Zgjedhjeve, kreu i institucionit Ilirjan Cleibashi tha se rezultati i votimit në Vorë dhe qendrën e votimit numër 10 në Tiranë, ku procesi ishte elektronik, janë gati. Megjithatë, ai shtoi se nuk do të behën të ditura menjëherë si në zgjedhjet e fundit lokale, por do të pritet dita e nesërme, kur procesi i numërimit do të jetë në vijim edhe për qendrat e tjera të vendit, ku procesi do të bëhet manualisht.
Megjithatë,Gijotina ka siguruar rezultatet e 6 qendrave të votimit në Vorë. Aktualisht, diferenca është e ngushtë mes Partisë Socialiste dhe koalicionit opozitar të drejtuar nga PD.
Sipas rezultateve paraprake, PD kryeson me 522 vota, ndërsa PS ka 501 vota. Megjithatë, eksponentë të PS në Vorë pretenduan se kjo forcë politike ka dalë fituese. Blerim Shera, kryetari i Bashkisë së Vorës, gjithashtu socialist, tha se Vora ka zgjedhur Edi Ramën. “Ne kemi kohë që punojmë për këtë rezultat, nuk është rastësor”, tha ai për gazetarët.
Discussion about this post