Protesta në selinë blu e thirrur nga ish-kryeministri Sali Berisha ka përshkallëzuar, pasi protestuesit janë futur në ambientet e brendshme të godinës, ndërsa po tentojnë të hapin dyert me çekiç dhe trapan. Burime për gijotina.com bëjnë me dije se në protestë është hedhur gaz lotsjellës, por nuk dihet kush e ka hedhur.
Berisha ka deklaruar se kjo protestë është paqësore, ndërsa bënë thirrje që të hapen dyert e asaj që i referohet si shtëpia e përbashkët e demokratëve. Lidhur me pasojat që do të kishte hapja e dyerve për turmën e tensionuar, Berisha shpreh se përgjegjësi mbajnë ata që i nxisin. Protestuesit kanë thyer dyert dhe kanë hyrë në godinën e selisë blu, ndërsa nuk kanë munguar as skenat e dhunës, pre e të cilave ra deputeti i PD-së, Roland Bejko.
Discussion about this post