Drejtuesja politike e PD-së për diasporën, Jozefina Topalli, në një deklaratë për media ka komentuar ashpër procesin e votimit të emigrantëve në Greqi, duke e cilësuar si rastin më flagrant të shkeljes së çdo norme dhe standardi të parashikuar në Kodin Zgjedhor.
Topalli shprehet se rezultatet që po vijnë nga kutitë e votimit për qarqet si Fier, Berat e Durrës tregojnë për një fenomen të përsëritur, ku PS arrin deri në 85-90% të votave, një përqindje që ajo e quan të papranueshme dhe të pamundur në një vend demokratik.
Sipas saj, procesi ka qenë i pakontrolluar dhe kontraktorët e DHL – që sipas marrëveshjes me KQZ duhet të ishin të pavarur – janë koopetuar nga strukturat e pushtetit në Greqi.
opalli ngriti dyshime se në qytete si Athina, Selaniku dhe Kreta, shpërndarja e zarfeve është bërë nga vetë partia në pushtet, duke e kthyer rezultatin final në një farsë që, sipas saj, i shkon për shtat më shumë Koresë së Veriut sesa një vendi demokratik si Shqipëria.
“Ky është rasti më flagrant i thyerjes së çdo norme dhe çdo standardi të procesit të votimit të shkruar në Kodin Zgjedhor. Mesa shihet, rezultatet shkojnë deri në 85% për PS në Fier, mund të shkojnë në Berat, e njëjta fenomen është në të gjitha qarqet, Durrës etj. Është një proces që siç e kemi thënë, i pakontrolluar dhe kontraktorët e DHL që është në kundërshtim me marrëveshjen që është bërë midis tyre dhe KQZ, mesa duket janë kooptuar nga strukturat e pushtetit në Greqi. Këtë e kemi kuptuar me logjikë që ditë më parë dhe në mënyrë të veçantë në Athinë, Selanik e Kretë postën e ka bërë partia në pushtet.
Në këto kushte, procesi i marrjes së zarfeve nuk është bërë nga DHL por nga njerëz të tjerë dhe rezultati që kemi sot është larg reales. PS mund të fitonte sot, mund të shtonte vota, por rezultat 90% unë personalisht besoj se kjo gjë në 2025 mund të ndodhte në Korenë e Veriut, por për shkak të ndryshimit të sistemit ka ndodhur dhe në Shqipërinë tonë të dashur, dhe ky është një shpartallim i procesit zgjedhor”, tha Topalli.
Discussion about this post