Një zjarr ka rënë rreth orës 03:45 të mëngjesit të sotëm në ish parkun e mjeteve në Lushnjë, duke djegur 4 autobusë të parkuar.
Tre prej tyre janë shkrumbuar tërësisht ndërsa një është djegur pjesërisht dhe është shpëtuar nga ndërhyrja e zjarrfikësve.
Raportohet se pas rënies së flakëve janë njoftuar shoferët e autobusëve të tjerë, që kanë hequr mjetet për të mos u djegur nga zjarri.
Policia shkoi në vendngjarje dhe grupi hetimor po punon për zbardhjen e shkaqeve të zjarrit me dëme të mëdha ekonomike.
Njoftimi i policisë:
Lushnjë/Informacion paraprak
Në orët e para të mëngjesit të sotëm, në lagjen “Gafurr Muço” Lushnjë, në vendin e quajtur “ish-parku i autobusave”, dyshohet se në një autobus të parkuar ka rënë zjarr aksidentalisht e për pasojë janë përfshirë nga flakët edhe tre autobus të tjerë, në pronësi të shtetasve V. Z., B. M. dhe G. M..
Grupi hetimor ndodhet në vendngjarje dhe po punon për sqarimin e plotë të rrethanave të rastit.
Discussion about this post