Bardhi-Spiropalit: Ke ardhur nga strofulla e Xhabaftëve, por Kuvendi nuk është i bandave

Kreu i Grupit Parlamentar të PD-së, Gazment Bardhi, është shprehur në mbledhjen e Konferencës së Kryetarëve, e cila zhvillohet pak orë para nisjes së seancës plenare, se Kuvendi është kthyer si pronë private.

Bardhi gjithashtu u është drejtuar mazhorancës duke i thënë që kanë caktuar një seancë turpi për të bërë vetëm foto dhe jo për diskutuar mbi rendin e ditës. Ndër të tjera Bardhi theksoi se Kovendi nuk mundë të trajtohet si pronë private.

Vini këtu sikur jeni kthyer nga Suedia, ku në fakt jeni kthyer nga një llum që e keni krijuar ju me duart tuaja. Keni caktuar një seance turpi për të bërë vetëm foto aty. Nuk keni caktuar dhe nuk keni lënë as çështje jashtë rendit të ditës. Këtë e garanton rregullorja e Kuvendit. Unë e kuptoj që ju nuk doni debat. Sepse doni ta trajtoni sikur jeni kthyer nga pushimet, ku ne fakt ju jeni kthyer nga drejtimi i një grupi të strukturuar kriminal, ku vodhët dhe dhunuat zgjedhjet duke e krahasuar Shqipërinë me Sirinë. Nuk mund ta trajtoni Kuvendin si pronë private e as vendin si normalitet. Siç e thotë OSBE, ju keni shkallmuar barazinë në zgjedhje dhe keni rrëzuar nenin 1 të Kushtetutës. E përsëris, ju doni që Shqipëria të krahasohet me Rusinë apo me Serbinë”, tha Bardhi në Konferencën e Kryetarëve.

Ai debatoi direkt me Spiropalin dhe Taulant Ballën për këtë vendim.

“Kush e cakton se çfarë bëhet në Konferencën e Kryetarëve dhe në Kuvend. Partnerët tuaj Suel Çela apo Troplinët e Durrësit. Zonjë, duhet të sqarosh ato cfarë unë ngre këtu. Nuk lejoj të flasë ushtari i Suel Çeles. Dhe ti zonjë mos mu sill sikur ke ardhë nga Suedia, por ke ardhë nga strofulla e Xhabaftëve. U kërcënuan fëmijët e kolegëve të tu dhe ti si Kryetare e Kuvendit shkove e more në mbrojtje Xhabaftët,” tha Bardhi.

Kryetari i grupit parlamentar demokrat iu drejtua Spiropalit: “Nuk do të jesh më këtu, do të zëvendësohesh nga Zegjine Balluku”.

Spiropali: Të drejtën për të vepruar kështu ma jep rregullorja.

Pas këtij debati, kryeparlamentarja Spiropali i dha fjalën Taulant Ballës, por ky i fundit nuk u lejua nga demokratët që të flasë. Për këtë arsye, mbledhja e Konferencës së Kryetarëve u mbyll.