Të paktën tre persona janë vrarë dhe 17 të tjerë janë plagosur në sulmin më të madh me dron rus në qytetin e dytë më të madh të Ukrainës, Kharkiv, raporton BBC.
Kryetari i bashkisë së Kharkivit, Ihor Terekhov thotë se gjatë natës Rusia lëshoi 48 dronë, si dhe dy raketa dhe katër bomba rrëshqitëse drejt qytetit. Ka pasur gjithashtu njoftime për sulme në qytetin e Khersonit.
Ihor Terekhov thotë se ka shumë dëme me tre ndërtesa banimi të cilat ishin objekt i goditjeve.
Sulme të forta në të gjithë Ukrainën ndodhën natën e kaluar, kur gjashtë persona u vranë dhe 80 të tjerë u plagosën.
Kjo vjen pas sulmit të madh me dronë të Ukrainës në bazat ajrore ruse të dielën e kaluar, për të cilin Presidenti rus Vladimir Putin tha më vonë se do të duhej të reagonte.
Discussion about this post