Ndeshja mes Shqipërisë dhe Serbisë, e vlefshme për kualifikueset e Botërorit 2026, ishte jo vetëm një sfidë sportive me ngarkesë të lartë emocionale, por edhe një test i vështirë për organizimin dhe sigurinë.
Dhe pikërisht në këtë aspekt, Shqipëria kaloi me notë maksimale, duke treguar pjekuri institucionale dhe profesionalizëm të admirueshëm nga ana e forcave të sigurisë dhe stjuartëve të stadiumit “Air Albania”.
Në një atmosferë elektrizuese, ku emocionet ishin në kulm, lojtaret serbë provuan disa herë të provokonin publikun vendas.
Episodi më i qartë ndodhi gjatë pjesës së parë, kur një nga lojtarët serbë, teksa po ekzekutonte një goditje nga këndi, u shtir sikur u godit rëndë nga një objekt, ndonëse siç u konstatua, bëhej fjalë vetëm për një gotë plastike. Një skenë që u shoqërua me ndërprerjen e përkohshme të lojës nga arbitri.
Një situatë e ngjashme ndodhi edhe në pjesën e dytë, ku lojtarë të tjerë serbë tentuan të krijonin tension në fushë duke simuluar dëmtime nga hedhje të supozuara sendesh nga publiku, por realisht nuk u konstatua asgjë përtej disa gotave plastike.
Discussion about this post