Ish-deputeti i Partisë Demokratike, Myslim Murrizi pas vendimit të KAS për rinumërim të kutive në Tiranë dhe Fier ka bërë një reagim të ashpër.
Me anë të një postimi në rrjetet sociale, Murrizi u drejtohet Bylykbashit dhe Bardhit, të cilëve u thotë se pse nuk u dakorkdësuan me rekomandiment e OSBE-ODIHR kur i besojnë më shumë KQZ se sa komisionerëve të tyre.
Më tej Murrizi shkruan se çdo gjë bëhet sepse kanë frikë të shkojnë te vota e qytetarëve.
“Nga 5.200 qendra votimi që ka gjithsej e gjithë Shqipëria, me kërkesë të PD-së do të rinumërohen 1.914 qendra votimi, ose rreth 40% e totalit në të gjithë Shqipërinë, ku dy qarqet më të mëdha, Tirana dhe Fieri, do të rinumërohen komplet.
Atëherë një pyetje kam unë për “baballarët” dhe “mamallarët” e reformës zgjedhore të PD-së, Oerd Bylykbashi dhe Gazment Bardhi:
Kur i besoni më shumë administratës zgjedhore të KQZ-së së Celibashit sesa komisionerëve dhe numëruesve të PD-së, përse nuk u dakordësuat me rekomandimet 10-vjeçare të OSBE/ODIHR-it që të kishim një administratë të depolitizuar zgjedhore dhe jo komisionerë politikë të PD-së, PS-së, LSI-së?
Sepse për kodin zgjedhor bastard, që mbyll 90% të garës së vërtetë — nga 50 deputetë mbyllen 46 — e di të gjithë që e bëtë për by… tuaj të përdredhur, ngaqë keni frikë si dreqi të shkoni tek vota e qytetarit. Në çdo palë zgjedhje nuk lini model të ndyrë pa sajuar për një karrige të qelbur në Parlament.
Po demokratët çfarë faji ju kanë që të durojnë mosbesimin dhe mosvlerësimin tuaj”, shkruan Murrizi.
Discussion about this post