Kryetari i Partisë Republikane, Fatmir Mediu, ka zhvilluar një vizitë zyrtare në Washington DC, ku ka takuar zyrtarë të lartë amerikanë për të diskutuar situatën politike dhe gjyqësore në Shqipëri.
Në një postim në Facebook, Mediu njoftoi se ka zhvilluar një darkë pune me Asistent Prokurorin e Përgjithshëm të SHBA, Aaron Reitz, ku në fokus të diskutimit ishte nevoja për një drejtësi të pavarur në Shqipëri, që nuk përdoret për qëllime politike dhe që respekton Kushtetutën, sigurinë juridike dhe një proces të drejtë ligjor.
Gjatë qëndrimit në SHBA, Mediu ka zhvilluar takime edhe në Kongresin Amerikan me zyrtarë të rëndësishëm, përfshirë Keith Self, kryetar i Komisionit për Europën, Robert Aderholt, kryetar i grupit për Shqipërinë, si dhe kongresmenët Pete Sessions, Lance Gooden dhe Mark Vasey. Në këto takime, Mediu tha se ka informuar për manipulimin e zgjedhjeve në Shqipëri, të cilat i cilësoi si një farsë elektorale.
Postimi i plotë:
Gjatë vizitës në Washington DC javën e kaluar, pata kënaqësinë të zhvilloja një darkë pune me Asistent Prokurorin e Përgjithshëm të SHBA z Aaron Reitz me të cilin diskutuam për nevojën e një drejtësie të pavarur në Shqipëri e cila nuk përdoret për qëllime politike, drejtësi që respekon Kushtetutën, sigurinë juridike dhe një proces të drejtë ligjor.
Zhvillova takime në Kongres me kryetarin eKomisjonit për Europën Keith Self, Kryetarine grupit për Shqipërinë Robert Aderholt, Kongresmenin Pete Session kryetar i N/Komisjonit për politikat e qeverisë, anëtarin e Komisjonit të Drejtësisë Kongresmenin Lance Gooden, Kongresmenin Mark Vasey, në të këto takime bëra prezent dhe informova për problemet e manipulimit të zgjedhjeve dhe farsën elektorale në Shqipëri, bashkëpunimin e qeverisë me krimin e organizuar në blerjen e votave dhe intimidimin e votuesve. Të gjitha këto vlerësime janë bërë publike nga institucionet ndërkombëtare të monitorimit të zgjedhjeve.
Discussion about this post