Gentian Bejtja, 41 vjeç dhe Klodjan Stafuka mbetën të plagosur këtë mbrëmje në Fush-Krujë. Asnjëri prej tyre nuk ka dhënë detaje, por video që disponon Gijotina.com zbardh dinamikën e ngjarjes. Mësohet se Bejtja dhe Stafuk kanë qenë duke udhëtuar me makinë, kur në afërsi të një karburanti në Larushk të Fushë Krujës u është zënë pritë.
Në ato momente, drejt tyre është qëlluar me armë zjarri, por plumbi ka kapur vetëm Bejtjen që e ka lënë të plagosur në krah. Stafuka është plagosur gjithashtu, pasi pas të shtënave me armë, Bejtja që ishte në timon ka humbur kontrollin e mjetit dhe ka dalë nga rruga. Sipas informacioneve, pasagjeri ka marrë dëmtime në kokë dhe të dy ndodhen aktualisht në spitalin e Traumës, ku dhe po marrin mjekimin e nevojshëm. Në vendngjarje janë gjetur rreth 10 plumba, ndërsa autorët, pas krimit janë larguar në drejtim të paditur.
Bejtja është i njohur si një person më të shkuar kriminale dhe dyshimet e para janë që plagosja ka të bëjë me historinë e shkuar.
Discussion about this post