Janë zbardhur të tjera detaje nga krimi në familje që tronditi mbrëmjen e sotme Vaun e Dejës, pasi burri vrau ish-bashkëjetuesen dhe më pas tentoi të vrasë edhe veten. Mësohet se shkak i ngjarjes së rëndë ka qenë konflikti që kishin për kujdestarinë e vajzës.
55-vjeçari Niko Hila dhe viktima Gjyle Topalli bashkëjetonin dhe prej një viti ishin të ndarë, ndërsa kishin edhe një vajzë. Pas ndarjes, 40-vjeçarja jetonte me babain e paralizuar dhe me vajzën 4 vjeçe.
Vrasja ka ndodhur në oborrin e shtëpisë së viktimës. Mësohet se Hila pasi vrau ish-gruan me kallashnikov është larguar, ka shkuar në shtëpinë e tij dhe në oborr ka qëlluar veten në pjesen e fytit. Ai ndodhet në spitalin e Traumës në Tiranë.
Discussion about this post