Deputeti i PD-së, Asllan Dogjani është përplasur me kryetarin e Komisionit të Ankesave dhe Sanksioneve (KAS) Ilirjan Rusmali gjatë procesit të rinumërimit të votave të Qarkut të Tiranës, në pallatin e sportit “Farie Hoti”.
Shkak është bërë një votë preferenciale e shpallur e pavlefshme për Asllan Dogjanin, për shkak se shenja “X” kishte dalë jashtë kuadratit. Deputetit demokrat pretendon se si ajo votë i kanë hequr dhe me dhejtra të tjera, ndërkohë që nuk ndiqet i njëjtui standard për kandidatët socialistë, ku raste të ngjashme ua kanë shpallur votat e vlefshme.
Ilirjan Rusmali e “kërcënoi” Asllan Dogjanin me “thërritje të Policisë, por kjo fjalë e tij e agravoi edhe më tej debatin.
Asllan Dogjani: Hajde shihe sa e qartë është këtu.
Ilirjan Rusmali: Do thërras policinë
Asllan Dogjani: Nuk më rr**et për polici fare. Hajde shihe, është e paqartë, vjedh vota dhe thërret polici, vidhni vota, hajdut! Nuk është hera e parë që vidhni. Mos u tallni me votat e qytetarëve, se keni ditë e natë që rrimë këtu, me çfarë të drejte heq vota ti? Nuk është hera e parë. Turp të keni! Do ta marr dhe do t’i çoj në SPAK, ku është shprehur vullneti? Për të tjerët shprehet, për mua ku? Hajdeni të hapim votë. Talleni. Ja vota, urdhëroni se si tallen këta. Ky e di sa vota…3 vota, 4 vota në kuti i marrin. Heqin votat kur shënimi është përbri kandidatit. Pse e bëjnë këtë? E bëjnë sepse kanë marrë orientim, sikur ka qenë njësoj se u kemi prishur terezinë. Kanë dashur të shkonin në pushime. Njerëzit vuajnë, këta duan të shkojnë me pushime. Kjo nuk është vota e parë, shihni sa marrin”, shprehet Asllan Dogjani.
Discussion about this post